Elke dag up rad - radfoar'n in 21. joarhunnert
menu

Een stä över't radfoaren

Oan helm geit goar nix!
Oan helm geit goar nix!

Över't radfoar'n -un dat up plat

 Elke dag up rad - een stä över't radfoaren, un ok nog up plat - woarum?


Vör een Münkeboer jung ut de söden van de Brookmerland is radfoaren woal dat belangrikste wat een lern'n kan, täg'n läsen, schriiven, räkn'n un al de anner kraam, de een dör't läven brengt!


Un dat läven wiist een up de een un anner wiis, dat de moderne minsch up'n rad noch een bäten moderne is!


Achteran stiäl ik de foarroaden vör, de upstüns vör mi van belang bünt.

Oavers neet blot över roaden will ik schriiven, ik will ok van de een of anner stä vetellen, woar een mit rad hen koamen kan.


Gudereit Fantasy, Bi.?, Chrome Molybdän Stahl Rahmen, heiß gemufft
Gudereit Fantasy, Bi.?, Chrome Molybdän Stahl Rahmen, heiß gemufft

Miin oaldags rad

Miin oaldags rad, mit de foar ik elke dag noar miin warkstä, de ligt neet heel tein kilometers van miin tohuus weg.

Disse rad hep ik schkunken krägen van een gooden fründ, de mit de "oal" rad nix mär anfangen kun.

De rad is "stripped" woarden un doarnoa van de ossenbrüger Firma PROFT sandstroalt un nierje lackeert woarden.

De roamen is heet mufft un ut Chrom Molybden. Doarnoa het de rad een 250 Watt 36 Volt Motor krägen, de ut een 10Ah akku versörgt woard. De oale Cantilever bremsen woarden tägen V bremsen uttuscht un een gedämpfte Sattelstütze vör de bequemlichkeit sünt de ok nog bikoamen. As reifen hep ik Schwalbe Landkruiser uptrukken, de heb'n een groaf profil, mit de kan een ok moal över't akker.

In de tüschen tiit is de lücht van dynoamo up akku umstiält, över een "step down " wandler woaren nu de 36 volt runner wandelt up 6 volt, so dat led lampen bedräven woaren.

De nirje akku, een Humpback mit 13,8 AH
De nirje akku, een Humpback mit 13,8 AH

Een nierje akku

Disse rad krigt een nirje akku. De oale sitt up een vedreit stä. De ligt up de pakjedroage, de ik doarum neet bruken kan, de nirje akku oavers de hang ik an de soadelrör tüschen de boven- un de unnerör, net över de träloage. An de unnerör kumt de Controler kasten, de bit nu unne de Frog case säten het.

Material für Akku Halterung
Material für Akku Halterung

De nirje akku sall an een stä, woar he egentlig neet henhört: an de roamenrör woar bi moderne roaden de drinkfläs hangt, blod miin rad is to oalt un het keen stä vör drinkfläs. Doar blift nix över as sülmst een to baun.
dat material wat ik brukt hep:
  • een isenschgiin 230mm lang, 3 mm dik un 20 mm breet
  • dree platkop schgruwen mit M6 gewind
  • dree mutter M6
  • twee schlauch schellen 32 bit 50 mm dörmeter
  • schrumpf schlauch un Tape
  • Bohrer 4/8, M6 Gewinde Schneider,  Flex un Heißluftfön
Gudereit Crossover, Bi. 2000, Alu Rahmen
Gudereit Crossover, Bi. 2000, Alu Rahmen

Een elk henkiiker! Dat was de heele stolt van miin froo - Gudereit Cross. Boejoar um 2000, se het dat nog mit D-Mark betaalt.

Mi het dat düchtig spiit, dit rad um to baun, heel ligt weer dat al neet, besünners wiil disse rad mit een Shimano St 9 gang un schiiv'n bremsen utrüst weer. De bremsen kunnen bliiven, oavers de Schaltung neet. An sin stä queem een Shimano Nexus 7 freeloop mit rullenbremsen, de ik tägen een adapter uutuuscht hep, um een bremsschiiv an to brengen. De kiät kreeg een spanner, un andräven woard dat rad dör een 250W 36V Bafang 8Fun BBS01 middelmotor de siin saft ut een 9,6 ah drink fliäsen akku hoalt.

Gazelle Air Glide Touche, Bj. 2002, Full suspension Alu Rahmen
Gazelle Air Glide Touche, Bj. 2002, Full suspension Alu Rahmen

Gazelle Airglide Touche, full suspension 57cm RH, 36 V 250 Watt. So gemütlich bün ik nog noit unnerwiägens west.

Oavers, so as dat in't liäven nu moal is - ist dat moiste meestens vör anners well , dit maal vör miin froo! Dat Rad häbben wi in't internet bi ebay kleinanzeigen funnen. Het €150,- köst un was hoast nierje, neddekroat 550 km ha de eerst besitzer doar mit foarn, dat weer 2002, do is he dood goan, un siin fro het dat Rad  fiiftein klar neet mär to'd geroage uthoalt.

Miin neeste kreation
Miin neeste kreation

Bi dit rad gung mi dat to allererst um billig, ik wull Geld spoaren un dat rad so günstig as dat irgendwie gun moaken.

Anfangen is as so foak mit een striit. Miin fro, un hör voader, also miin schwegevoader de weer'n miin dörnanner in't geroage överdoadig un lag'n mii siit wäken in de ohren mi hör " ik sull dog moal uprümen", wat ik noa miin dünken elke dag doan hep. Vör hör was dat oavers eerde " dat kan dog Weg, off is dat kunst?"

Dat is de nu van woarn. Miin winte rad. Ok wär een stoalroahmen, 55 cm hog, van een oalen mtb.

26 toll roaden, ruug reifen 556x50 un lücht vörn un achten, ördenlige bremsen.

Der hard is een 36 v tsdz2 tongsheng middelmotor mit 250 w.

Andräven woard dat över een Shimano Inter 7 naben schaltung.

Een nierje upgoav

Miin leev fründ Dirk het mi disse rad vörbi broagt. Moal seen wat süks doarut nog moaken let.